දවසක් ගෞතම බුදු හාමුදුරුවෝ උන්වහන්සේගේ ඉදිරියෙන් සිටිය පිරිසට කිව්වා ගල්කැටයක් අරන් එන්න කියලා. හැමෝම ගිහිල්ලා තැත් තැන ඇවිදලා ගල්කැට අරගෙන ආවා. කාශ්‍යප හාමුදුරුවෝ ගෙනාපු ගල් කැටය අතට ගත්ත ගෞතම බුදුහාමුදුරුවෝ මෙහෙම පැවසුවා. 

“මෙපමණයි ධර්මය” 

හොඳට කල්පනා කරලා බලන්න.

ඔබට ඒ කියපු කාරණය තේරුණාද? 

මෙච්චර මහපොළොවේ ගල්කැට තියෙද්දි එක්කෙනෙක් අරගෙන එන්නේ එක ගල්කැටයක්. ඒක තමයි එයා ගේ ධර්මය. එයා දකින ධර්මය. 

අනිත් අයගේ අතේ තියෙන ගල්කැටය, තමන්ගේ අතේ තියෙන ගල්කැටය මෙන්ම විය යුතු යැයි කාටවත් කියන්න බෑ. 

මේ මහ පොළොවේ ගල්කැට අනන්තවත් තියෙනවා වගේ ධර්මයත් අනන්තයි, අචින්ත්‍යයි. එයින් ඔබට ගෝචර වන්නේ යම් කොටසක් පමණයි.